Login

Don’t have an account?

Shopping Cart

Loading

Your cart is empty

Keep Shopping

Loading Gertaerak

« All Gertaerak

  • This event has passed.

2022 gipuzkoako xake azkarrean taldekako txapelketa

Urria 1 @ 4:00 pm - 8:30 pm

2022 gipuzkoako xake azkarrean taldekako txapelketa

Data: 2022ko urriaren 1an
Ordua: 16:00
Lekua: Beraun kalea, 27 behea. Errenteria (Beraun auzoa)
Joku erritmoa: 3’ + 2 segundu egindako jokaldi bakoitzagatik
Sariak: Kopak izango dira sailkapeneko lehengo hiru klubentzako
Izen ematea: xake@fgajedrez.org helbidera bidalitako email baten bidez. Korreoak jasotzeko epea: Irailaren 29a, osteguna

Ohar garrantzitsua: Jokalari batek klubeko talde bakar batean jokatu ahal izango du, Txapelketa hasieran federatuta dagoen klubean. Arau hori ez betetzeak arau-hausle klubari deskalifikazioa ekarriko dio.

Emaitzak

TXAPELKETAREN OINARRIAK

  • 1) GXFn federatuta dauden klub guztiek parte hartu ahal izango dute.
  • 2) Jokalari batek txapelketaren hasieran federatuta dagoen klubeko talde batean bakarrik jokatu ahal izango du. Arau hori bete ezean, araua hautsi duen taldea kanporatu egingo da.
  • 3) Txapelketa urriaren 1ean jokatuko da.
  • 4) Txapelketa antolatzeko baimena duen klubean jokatuko dira partidak. Txapelketaren ordutegia deialdiarekin batera jakinaraziko da.
  • 5) Joko-erritmoa 3 minutukoa izango da, eta 2 segundo gehituko zaizkio jokaldi bakoitzeko.
  • 6) Txapelketaren joko-erritmoari dagokionez, FIDEko xake-arauak aplikatuko dira
  • 7) Txapelketa jokatzeko sistema (Liga [Round Robin]) edo suitzarra) parte hartuko duten taldeen kopuruaren arabera erabakiko da, baita txanda kopurua ere.
  • 8) Partidak lau taulatan jokatuko dira. Talde bakoitzak gutxienez lau jokalari izango ditu.
  • 9) Lehiaketa hasi aurretik, talde bakoitzak bere jokalarien indar-ordena emango dio epaileari. Ezin izango da indar-ordena hori txapelketan zehar aldatu. Partida batean talde batek 4 jokalari baino gutxiagorekin jokatzen badu, jokatzen dutenek lehen tauletan jokatu beharko dute eta azkenak libre utzi.
  • 10) Aurreko paragrafoan adierazitakoa bete ezean, taldeak galdu egingo du azkenik jokatu duen jokalaria artikulu hori betez gero jokatu beharko zukeen taularekin bat ez datorren tauletan.
  • 11) Klubek nahi adina talde aurkeztu ahal izango dituzte. Epailea saiatuko da klub bereko taldeek lehen txandetan joka dezaten, ahal den neurrian.
  • 12) Joko-aretoan ez da analisirik onartuko.
  • 13) Partidan zehar, debekatuta dago jokalari batek joko-eremuan telefono mugikorra edo xake-jokaldiak iradoki ditzaketen komunikazio elektronikoko gailurik edukitzea. Hala ere, gailu horiek jokalariaren poltsan edo motxilan gordeta egotea edo joko-mahaiaren gainean edukitzea baimentzen da, betiere gailua erabat deskonektatuta badago.
    Jokalariak ezingo ditu poltsa, motxila edo gailu horiek joko-eremuan eduki epailearen baimenik gabe. Bistakoa bada jokalari batek joko-eremuan gisa horretako gailu bat duela, partida galduko du. Aurkariak irabaziko du partida.
    Partida hasi aurretik, jokalari guztiek jakinarazi beharko diote aurkariari ea poltsan edo motxilan telefono mugikorrik edo xake-jokaldiak iradoki ditzaketen beste komunikazio elektronikoko gailurik duten joko-eremuan.
    Hori guztia indarrean dauden FIDEko Xake Arauen eta FIDEko Epaile Batzordearen aginduaren arabera, hemen eskuragarri: http://arbiters.fide.com / http://arbiters.fide.com/
  • 14) Jokalariek ezingo dute joko-aretotik atera beren partida jokoan dagoen bitartean, epaile-taldeko kideren baten baimenarekin ez bada. Hark, txandaren egoera orokorra edo irteteko beste baimen batzuk baloratu ondoren, ateratzeko baimena ematen dion ala ez erabakiko du. Jokalariek ezingo dute analisi-gelara sartu partidak abian diren bitartean.
  • 15) Txapelketa sistema suitzarraren bidez jokatzen bada, puntu gehien lortzen duenak irabaziko du, kontuan hartuta irabazitako partida bakoitzak 2 puntu batzen dituela, berdindutako bakoitzak 1 eta galdutako bakoitzak 0. Puntuaketan berdinduz gero, berdinketa hausteko sistema hauek aplikatuko dira hurrenez hurren:

    a) Sonnenborg-Berger, taldeka
    b) Bucholz, emaitzarik txarrena kenduta
    c) Progresiboa, berdinketa-hauste guztiekin (azken ondorioak)
    d) Taulako puntuen batuketa
    e) Garaipen-kopurua
    f) Zozketa

  • 16) Txapelketa Liga sistemaren bidez (Round Robin) jokatzen bada, taula-puntu gehien lortzen dituen taldeak irabaziko du.

    Puntuaketan berdinduz gero, berdinketa hausteko sistema hauek aplikatuko dira hurrenez hurren:

    a) Partida bakoitzeko puntuen batura (2 puntu irabazitako bakoitzeko, 1 berdindutako bakoitzeko, 0 galdutako bakoitzeko).
    b) Sonnenborg-Berger, taldeka
    c) Berdindutako taldeen arteko emaitza partikularra
    d) Emaitza partikularrean berdinketa gertatuz gero, lehenengo taulako irabazlea; berdinketa edo “tablak” gertatuz gero, bigarren taulako irabazlea, etab.
    e) Taula guztietan berdinketak gertatuz gero, lehenengo taulan beltzekin jokatu duena
    f) Zozketa

    C atala aplikatzearen ondorioz berdinduta dauden taldeen kopurua gutxitzen bada, atal hori berriro aplikatuko da berdinduta jarraitzen dutenen artean.

  • 17) Epaileak txanda hasteko agindua eman eta 5 minutura taulara agertu ez den jokalariak partida galduko du, ez bertaratzeagatik.
  • 18) GXFk izendatu eta ordaindu behar dituela uste duen txapelketa-epaileak izendatu eta ordainduko ditu.
  • 19) Sariak (gutxienez):

    1. Garaikurra
    2. Garaikurra

  • 20) Txapelketan parte hartzen dutenek baimena ematen dute antolatzaileek ekitaldia behar bezala zabaltzeko egokitzat jotzen dituzten komunikabideetan beren datu pertsonalak argitaratzeko (emaitzak, sailkapenak, partidak, argazkiak, etab.).
  • 21) Txapelketan parte hartzeak berekin dakar oinarri hauek eta aplikatu beharreko gainerako araudiak onartzea eta betetzea.
  • Xehetasunak

    Date:
    Urria 1
    Time:
    4:00 pm - 8:30 pm

    Antolatzailea

    FGA
    Phone:
    +34 943 47 45 61
    Email:
    xake@fgajedrez.org
    View Antolatzailea Website

    Lekua

    Errenteria /
    Beraun Kalea, 27 Gipuzkoa 20100 España + Google Map

    Utzi zure iruzkina

    Your email address will not be published.