Pasa den ostiralean jokatu zen Zumaiako Gizarte Etxean gabonetako txapelketan sartu den xake txapelketa. Guztira hamalau jokalarik hartu zuten parte txapelketan eta Fran Ladron de Guevara zarauztarra gailendu zen, bigarren Fermin Lauroba gelditu zen eta hirugarren postua Joakin Larrañagarentzat izan zen. Zumaiarrei dagokienez, Kepa Aizpurua izan zen lehena eta Miguel Manterola bigarrena.
